དེ་ཡང་བྷོ་ཊའི་ལྗོངས་འདིར་འཕགས་པ་རིགས་གསུམ་མགོན་པོའི་རྣམ་འཕྲུལ་ཆོས་ཀྱི་རྒྱལ་པོ་སྔ་ཕྱིར་མང་དུ་བྱོན་མོད། གཙོ་བོ་རྒྱལ་རབས་ཉེར་བརྒྱད་པ་ལྷ་ཐོ་ཐོ་རི་གཉན་བཙན་དགུང་གྲངས་དྲུག་ཅུ་པ་སྤྱི་ལོ ༤༣༣ ལ་སྤང་སྐོང་ཕྱག་རྒྱ་པ་སོགས་ནམ་མཁའ་ནས་རང་བབས་སུ་བྱུང་སྟེ་ཐོག་མར་དམ་པའི་ཆོས་ཀྱི་དབུ་བརྙེས། རྒྱལ་རབས་སོ་གསུམ་པ་ཆོས་རྒྱལ་སྲོང་བཙན་སྒམ་པོའི་སྤྱི་ལོ་ ༦༡༧:༦༩༨ སྐུ་དུས་སུ་བོད་ཀྱི་ཡིག་གཟུགས་གསར་དུ་བཟོས། ར་ས་འཕྲུལ་སྣང་གཙོས་མཐའ་འདུལ་ཡང་འདུལ་གྱི་གཙུག་ལག་ཁང་བརྒྱ་རྩ་དུ་མ་བཞེངས། མདོ་སྡེ་ཟ་མ་ཏོག་སོགས་ཆོས་མང་དུ་བསྒྱུར། ལྷ་ཆོས་དགེ་བ་བཅུ་དང་། མི་ཆོས་གཙང་མ་བཅུ་དྲུག་གི་ཁྲིམས་གསར་དུ་བཅས་ཏེ་བར་དུ་དམ་པའི་ཆོས་ཀྱི་སྲོལ་བཏོད། རྒྱལ་རབས་སོ་བརྒྱད་པ་ཆོས་རྒྱལ་ཁྲི་སྲོང་ལྡེའུ་བཙན་སྤྱི་ལོ་ ༧༩༠: ༨༥༨ གྱི་དུས་སུ་འཕགས་ཡུལ་ནས་སློབ་དཔོན་ཆེན་པོ་པདྨ་འབྱུང་གནས་དང་། མཁན་ཆེན་བོ་ངྷི་ས་ཏྭ། བི་མ་ལ་མི་ཏྲ་སོགས་པཎ་གྲུབ་བརྒྱ་རྩ་བརྒྱད་གདན་དྲངས། ལོ་ཙ་བ་བཻ་རོ་ཙ་ན་དང། སྐ་ཅོག་ཞང་གསུམ་སོགས་ཀྱིས་འཕགས་ཡུལ་དུ་བཞུགས་སོ་ཅོག་གི་བཀའ་བསྟན་ཕལ་ཆེར་དང་།
